Waxaa magaalada Jigjiga lagu soo dhoweeyay Wasiir ka tirsan dowladda Ireland oo socdaal ku jooga DDS.
Wasiirka Xafiiska Madaxwaynaha DDS, Dr. Xuseen Xaashi ayaa garoonka diyaaradaha ee Garaad WiilWaal ee magaalada Jigjiga kusoo dhaweeyey masuuliyiin uu hoggaaminayso Wasiirka Horumarinta Caalamiga ah iyo Qurbajoogta ee wadanka Ireland, Ambassador Sean Fleming.
Wafdiga ayaa kulan la qaatay Madaxweynaha DDS, mudane Mustafe Muxummed Cumar.
Wasiirka Horumarinta Caalamiga ah ee wadanka Ireland, Ambassador Sean Fleming ayaa booqday qolalkii iyo goobihii kale ee Kuyaalay Xabsigii Jeel Ogaadeen loo yaqaanay, komishineerka Asluubta DDS, iyo qaar kamid ah maxaabiistii lagusoo xidhay jeelka.
