Taliyaha Ciidanka Booliska Soomaaliyeed S/Guuto Asad Cismaan Cabdullaahi ayaa booqday xarunta Barbaarinta Agoonta Ciidanka Booliska, halkaas oo uu waqti kula qaatay carruurta agoonta ah ee waalidkood naftooda u huray u adeegidda Qaranka.
Intii uu booqashada ku guda jiray, Taliyaha ayaa kormeeray qeybaha kala duwan ee xarunta, oo ay ku jiraan iskoolka carruurtu wax ku bartaan, goobaha ay seexdaan, meelaha ay wax ku cunaan iyo xarumaha ay ku ciyaaraan.
Taliyaha ayaa ku boorriyay maamulka xarunta iney sii xoojiyaan daryeelka carruurta, isagoo u ballan qaaday in uu dib-u-dhis, ballaarin iyo casriyeyn lagu sameyn doono xarunta.
