Manchester United iyo Liverpool ayaa fooda isku dari doona garoonka Old Trafford Axada iyada oo Arne Slot ka hor iman doono Man United kulankii ugu horeeyay ee Rasmi ah kadib markii uu badiyay labadii kulan ee ugu horeeyay.
Slot ayaa badalay Jurgen Klopp suuqii xagaaga waxana uu ku bilowday noloshiisa kooxda si cajiib ah isaga oo badiyay labadii kulan ee ugu horaysay.
Tababaraha ayaa mari doona tijaabadii ugu horaysay marka ay kooxdiisu ka hor iman doonto Kooxda ay sida weyn u xafiiltamaan ee Man United.
Kulanka ayaa la filayay in la ciyaaro 6:30 Galabnimo ee Axada laakiin waxa horay loo soo dhigay 30 daqiiqo iyada oo la ciyaari doono 6:00 wakhtiga somaliya.
Hadaba waa maxay sababta Horay loogu soo dhigay kulanka Man United iyo Liverpool:
Sababta ugu macquulsan ee ciyaarta looga soo wareejiyay 6:30 loona soo wareejiyay 6:00 ayaa ah xifiiltanka weyn ee ka dhexeeya labada kooxood iyada oo ciidamada amaanka ay doonayaan in ay ka fogaadaan wax dhibaato ah oo ka dhex-dhaca taageerayaasha labada kooxood.
