Dagaal culus oo u dhaxeeya Ciidamada Dib-u-xoreynta Macawisleeyda deegaanka ee gobolka Hiiraan iyo xubno ka tirsan AlShabaab ayaa ka socda deegaanka Caag-sibiri oo ka tirsan degmada Farlibaax ee gobolka Hiiraan.
Dagaalka ayaa bilowday ka dib markii xubno ka tirsan Alshabaab ay weerar ku qaadeen Caag Sibiri ee ka tirsan degaanada hoostaga degmada Farlibaax ee gobolka Hiiraan.
Dadka degaanka ayaa soo sheegaya in labada Dhinac ay isku adegsanayaan Hubka nuucyadiisa kala duwan inkastoo illaa hadda aan la ogeyn khasaaraha ka dhashay dagaalkaas.
Sidoo kale ‘ Xubno ka tirsan Alshabaab ayaa saakay weerar ku qaaday deegaanka Ceel-cadde ee gobolka Hiiraan Halkaas oo ay ku sugan yihiin Ciidamo Dawlada iyo kuwa degaanka , waxaana lagu soo waramayaa in uu jiro khasaare ka dhashay weerarka Alshabaab ay ka geysteen degaanka ceel acdde ee gobolka Hiiraan.
