Magaalada Muqdisho iyo gobollo ka tirsan dalka ayaa waxaa ka socda diyaar-garowga munaasabadda 1-da Luulyo, oo ah maalinta loo asteeyay xuska xorriyaddii gobollada Koonfureed, midowgii Waqooyi iyo Koonfur, iyo aas-aaskii Jamhuuriyaddii Soomaaliya sannadkii 1960-kii. GeographicReference
Guddiga Qabanqaabada Toddobaadka Xorriyadda ayaa booqday cutubyo ka tirsan Ciidanka Xoogga Dalka Soomaaliyeed oo ku jira tababarkii iyo diyaar-garowgii ugu dambeeyay ee munaasabadda.
Ciidamada ayaa la filayaa inay soo bandhigaan dhoollatusyo ciidan iyo bandhigyo kala duwan oo lagu maamuusayo maalinta madax-bannaanida iyo midnimada Soomaaliya.
Munaasabadda sanadkan ayaa ku soo beegmaysa xilli ay jiraan khilaafyo siyaasadeed oo ka dhex jira hoggaanka dalka iyo qaar ka mid ah dowlad-goboleedyada, kuwaas oo qaarkood ka aragti duwan hanaanka ay Dowladda Federaalka u waddo arrimaha siyaasadda.
Sidoo kale, waxaa jira doodo siyaasadeed oo ku saabsan xiriirka ay Somaliland la yeelatay Israa’iil, iyadoo arrintaasi ay noqotay mid si weyn loogu falanqeynayo saaxadda siyaasadda.
1-da Luulyo ayaa weli ah maalin astaan u ah xorriyadda, midnimada iyo dhismaha dowladnimada Soomaaliya, waxaana sanad kasta lagu xusaa munaasabado ay hormuud u yihiin ciidamada qalabka sida iyo hay’adaha dowladda.
