Wafdi uu hoggaaminayo Wasiirka Arrimaha Gudaha ee Xukuumadda Federaalka Soomaaliya, Mudane Cali Yuusuf Cali (Xoosh), oo ay qeyb ka yihiin wasiirro, Guddoomiye ku-xigeenka labaad ee Aqalka Sare, Mudane Timacadde iyo senatarro ka tirsan Aqalka Sare, ayaa maanta gaaray magaalada Laascaanood ee caasimadda Dowlad Goboleedka SSC-Khaatumo.
Wafdigan ballaaran ayaa magaalada Laascaanood u tegay si ay uga qeyb-galaan Shirweynaha dhameystirka maamul-dhiska SSC-Khaatumo oo maanta halkaas ka furmaya.
