Sunday, August 31, 2025

Taageerayaasha Liverpool oo Codsaday In Degdeg Loo Eryo Xiddigaan Kadib Kulankii Newcastle

Taageerayaasha Liverpool ayaa ku baaqay in Ibrahima Konate uu kooxda ka tago toddobaadkan, inkastoo ay Reds guul cajiib ah 3-2 kaga soo takhaluseen Newcastle garoonka St James’ Park.

Kulanka oo ahaa mid xiiso badan, Ryan Gravenberch iyo Hugo Ekitike ayaa goolal u dhaliyay Liverpool qeybtii hore, halka da’yarka Rio Ngumoha – oo afar maalmood uun kaga harsan dhalashadiisa 17-aad – uu noqday geesiga kooxda kadib markii uu dhaliyay goolka guusha daqiiqadihii dambe, isagoo ka faa’iideystay tirada 10-ka ciyaaryahan ee Newcastle.

Si kastaba ha ahaatee, inkastoo natiijadu ahayd mid weyn oo muhiim ah, taageerayaasha Liverpool ayaa si joogto ah u dhaliilay bandhigga Konate. Daafaca dhexe ee reer France, oo ku jira sanadkii ugu dambeeyay ee qandaraaskiisa Anfield, ayaa ku dhibtooday difaaca, isagoo ku fashilmay inuu xakameeyo  Dan Burn intii lagu jiray goolkii barbaraha, isla markaana galay qalad ku dhowaaday inuu sababo gool kale qeybtii hore.

Konate ayaa si weyn loola xiriirinayaa Real Madrid, halka Liverpool ay xiiso weyn u qabto daafaca Crystal Palace, Marc Guehi. Taageerayaasha ayaa aaminsan in hadda la joogo waqtigii uu Konate ka bixi lahaa Anfield, isla markaana Guehi loo keeni lahaa si degdeg ah.

W/Q Max`ed Xasan Nuur {Jillibeey}

Related Articles

Stay Connected

24,006FansLike
308FollowersFollow
290SubscribersSubscribe
spot_img
spot_img
spot_img

Latest Articles