Shirweynaha 3-aad ee Culimada Soomaaliyeed ayaa maanta galay maalintiisii saddexaad, kaasi oo ka soconaya magaalada Muqdisho.
Shirweynahan, oo ay soo qabanqaabisay Wasaaradda Awqaafta iyo Arrimaha Islaamka ee Xukuumadda Federaalka Soomaaliya, ayaa maanta daaran dood cilmiyeedyo kala duwan, kuwaas oo diiradda lagu saarayo kaalinta dawlad-wanaagga ee xasiloonida iyo horumarinta bulshada. Sidoo kale, waxaa shirweynaha lagu soo bandhigay doodo gaar ah oo looga hadlayo horumarka amniga dalka iyo guulaha ciidamada Xoogga Dalka ay ka gaareen Khawaariijta.
Shirweynaha waxaa ka qeyb galaya Wasiirka Wasaaradda Awqaafta iyo Arrimaha Islaamka, Sheekh Muqtaar Roobow, xildhibaano ka tirsan labada aqal ee BJFS, iyo culumaa’udiin ka kala yimid gudaha iyo dibadda dalka.
Ka qeyb galayaasha shirweynaha ayaa qeyb ka ah doodaha, iyaga oo su’aalo weydiinaya culimada, borofisarada, iyo aqoonyahannada ka qeyb galaya dooda.
Shirweynaha Culimada Soomaaliyeed oo galay maalintii saddexaad.
