Sunday, August 31, 2025

Naadiga Manchester United oo Laga Reeabay Tartanka Carabao Cupka

Manchester United ayaa wajahday ceebtii ugu weyneyd ee taariikhda Carabao Cup kadib markii rigoorayaal ay ku garaacday kooxda heerka afraad ee Grimsby Town.

Ciyaarta ayaa u bilaabatay si isku dheelitiran, balse qalad dhexda ah ayaa u horseeday Charles Vernam inuu ka dhaliyo Andre Onana goolka hore. Dhowr daqiiqo kadib, khalad kale oo kubbadaha geeska ah ayaa sababay goolkii labaad oo uu dhaliyay Tyrell Warren, taasoo sababtay in United 2-0 lagu hoggaamiyo qeybtii hore.

Roob culus iyo difaac adag oo Grimsby ah ayaa sii murjiyay United qeybtii labaad. Bryan Mbeumo ayaa gool qurux badan dhaliyay daqiiqaddii 75-aad, halka Harry Maguire uu madax ku barbareeyay daqiiqaddii 88aad.

Ciyaartu waxay ku dhammaatay 2-2, waxaana loo gudbay rigoorooyin. Inkastoo goolhayeyaashu dhamaantood shabaqa gaareen marka ay tuurteen rigoorooyinkooda, haddana ciyaarta ayaa la go’aamiyay markii uu Mbeumo ku fashilmay inuu shabaqa gaaro, taasoo guusha siisay Grimsby.

Guuldarradan ayaa ka mid noqotay ceebihii ugu xanuunka badnaa ee soo gaara Manchester United tartanka koobabka maxalliga.

W/Q Maxamed Xasan Nuur {Jillibeey}

Related Articles

Stay Connected

24,006FansLike
308FollowersFollow
290SubscribersSubscribe
spot_img
spot_img
spot_img

Latest Articles