Wararka Ka Imaanaya Dalka Afgaanistaan ayaa sheegaya in ay korortay Dhimashada Dhulgariirkii ku dhuftay, Kooxaha Helicopters-ka ayaa tuulooyin fogfog oo ku yaalla Afgaanistaan ka baadigoobaya dad ka badbaaday dhulgariir cabbirkiisu ahaa 6.0 magnitude oo dhacay Axaddii, waxaana ku dhintay in ka badan 800 oo qof, sida ay sheegtay hay’adda Qaramada Midoobay u qaabilsan bini’aadantinimada.
Dhulgariirku wuxuu ku dhuftay gobolka Kunar ee buuraleyda ah Axaddii, waxaana go’doomiyay burburka, howlaha samatabixinta ayaa loo baahan yahay in lagu sameeyo diyaarad.
Dhimashada ayaa aad u kordhi karta iyadoo qaar badan wali laga cabsi qabo in ay ku hoos jiraan burburka, halka saraakiishu ay sheegeen in dhammaan tuulooyinka ay burbureen.
Cuntooyin kulul iyo bustayaal ayaa waxaa diyaarinaya Qaramada Midoobay, sida uu BBC-da u sheegay isku-duwaha hoggaanka ee Afgaanistaan
Taliban ayaa ku baaqday gargaar caalami ah, iyadoo UK ay ballan qaaday 1 milyan oo ginni oo lagu maalgelinayo gargaarka, iyadoo ku nuuxnuuxsatay in lacagtaasi aysan geli doonin gacanta Taliban.
Dhulgariirku wuxuu ku dhacay meel aan qoto dheerayn oo dhan 8km (5mi) – kaas oo noqon kara burbur badan – wuxuuna ruxay dhismayaal laga soo bilaabo Kabul ilaa caasimadda Pakistan ee Islamabad.
