Magaalada Laasacaanood ayaa waxaa haatan ka socota doorashada madaxweynaha iyo ku xigeenkiisa ee maamulka Waqooyi Bari Soomaaliya, iyadoo labada xilba ay u tartamayaan min toban murashax.
Xildhibaannada iyo martida kale ee doorashada ka qayb galaysa ayaa haatan ku sugan hoolka doorashada waxaana khudabado jeedinaya murashaxiinta.
Murashaxiinta ayaa mid walba waxaa uu ballan qaadayaa in uu sameynayo horumar bulsho, mid siyaasadeed iyo wax ka qabashada adeegyada bulshada, sida waxbarashada, caafimaadka, cadaalladda iyo dhaqaalaha.
Loolanka ayaa u muuqda mid adag oo mas’uul kastaa uu ku dadaalayo in uu noqdo kan guulaysta waxaana dadka deegaanku filayaan cid kastaa oo doorashada ku soo baxdaa in ay horyaallaan howlo badan oo muhiim u ah bulshada deegaannadaas kuwaas oo u baahan in wax laga qabto.
Waxaana marka ay dhamaadaan hadal jeedinta musharixiinta bilaaban doonto doorashada madaxtooyada ee maamulkaasi.
