Weeraryahanka Chelsea Nicolas Jackson ayaa qarka u saaran inuu amaah ugu biiro Bayern Munich isagoo heysta ikhtiyaar uu ku iibsan karo.
Blues ayaa heli doonta lacag amaah ah oo ah 13 milyan ginni (15m euros) halka kooxda heysata horyaalka Jarmalka ay 56.2 milyan ginni (65m euro) ku iibsaneyso weeraryahanka Senegal.
Jackson, oo 24 jir ah, ayaa horey heshiis horudhac ah ula galay Bayern, waxaana loo fasaxay inuu u safro Jarmalka si uu u dhameystiro heshiiska.
Waxaa heshiiska labada kooxood lagu soo daray qodob iib ah.
Jackson, oo ku biiray Chelsea 2023, ayaa u arkay fursadihiisa inay xaddidaan imaatinka saxiixyada xagaaga ee Joao Pedro iyo Liam Delap.
Uma ciyaarin kooxda tan iyo markii uu bedel ku soo galay guushii semi-finalka ay ka gaareen Fluminense koobkii kooxaha adduunka bishii July.
