Arday gaareysa 434 oo isugu jira lab iyo dheddig bartayna culuumta kala duwan ee kuliyadu bixiso ayaa ka qalin jebiyay Kuliyada Eastren Africa International College ee gaarka looleeyahay faraceeda magaalada Jigjiga .
Qalinjabintan oo ka dhacday madasha kulamada ee Sayid Maxamed Cabdile Xasan ee magaalada Jigjiga ayaa waxaa kasoo qaybgalay wasiirka Xafiiska Xirfadaha iyo Shaqo-abuurka DDS mudane Xuseen Gaydh waalidiinta ardayda qalinjabiyayaasha iyo marti sharaf kale.
Ardaydan oo ka qalinjabiyay waxbarashada darajada Degree-ga 1aad iyo Diploma ayaa bartay culuumta caafimaadka, maamulka iyo maarayta iyo xisaabaadka.
Wasiirka Xafiiska Xirfadaha iyo Shaqo-abuurka DDS mudane Xuseen Gaydh ayaa qalinjabiyayaasha u habalyeeyay sidoo kalena kula dardaarmay in aqoonta ay barteen ugu adeegaan bulshadooda.
