Wasiirka ayaa uga mahadceliyey Safiirka Dowladda Mareykanka ee Soomaaliya taageerada Mareykanka ee howlgallada ka dhanka ah kooxaha argagixisada ah ee Daacish iyo Al-Shabaab.
“Waxaan ku faraxsanahay inaan la kulmo Amb. Riley. Mareykanka ayaa weli ah saaxiibka dhinaca ammaanka ka taageera Soomaaliya, Waxaan si weyn uga mahadcelineynaa taageerada joogtada ah ay nasiiyaan waxaana rajeyneynaa inaan sare u qaadno xiriirka difaaca annaga oo iska kaashanayna dagaalka ka dhanka ah Al Shabaab iyo Daacish” ayuu ku yiri qoraal uu Wasiir Fiqi soo dhigay bartiisa X.
Maalintii ugu horeysay ee uu xafiiska ka shaqa bilaabay Wasiirka Gaashaandhigga Axmed Macalim Fiqi ayaa ballan qaaday in uu xoojin doono wada shaqeynta kala dhaxeysa saaxiibada Soomaaliya ee dhanka ammaanka.
Dowladda Maraykanku waa saaxiibka muhiimka ah ee Soomaaliya wuxuuna bixiyaa kaalmooyin dhinacyo badan leh oo ay ka mid yihiin tababarrada, saadka, iyo taageerada hawada.
