Ciidamada Israa’iil ayaa shaaciyay in lix askari looga dilay Arbacadii dagaal ka dhacay Koonfurta Lubnaan.
Dhacdadaan ayaa tirada askarta looga dilay Israa’iil dagaalladii ay la galeen Xisbullah tan iyo markii uu bilowday weerarka dhulka ah ee Lubnaan 30-kii Sebtembar ilaa 47 askari.
Ciidanka Israa’iil waxay daabaceen magacyada shan askari oo lagu dilay dagaalladaas, iyadoo magaca askariga lixaad uu weli sugayo xaqiijin, sida lagu sheegay bayaan ka soo baxay milateriga Israa’iil.
Dagaalkii ugu dambeyay ayaa la sheegay inuu socday muddo 3 saacadood ah, laga soo bilaabo 10-kii subaxnimo ilaa 1-dii duhurnimo.
